أحمد حاتم: الطلاق خلاني أحب الوحدة وأبطل أنانية

تحدث الفنان أحمد حاتم، عن تجربة انفصاله عن زوجته، وذلك خلال لقائه الإعلامي الإماراتي أنس بوخش.

وقال أحمد حاتم: الحاجة الوحيدة اللي كانت بالنسبة ليا معنديش القدرة أني أخبي مشاعري فيها هو ابني عزيز، وحسيت أني عايز أطلعه مع أنه لسه صغير، وعزيز هو السبب في كل حاجة وهو اللي خلاني أبقى شخص بضرب مشاوير كل يوم علشان أشوفه وأنا ممنون للإحساس ده وممنون لوجوده، وخلاني شخص مش أناني خالص من غير ما يعمل حاجة.

وتابع: ولو أنا كنت طلقت بس ومفيش عزيز كان ممكن متحركش وأقعد في حتة كده بتفرج من بعيد وأحس أن حظي وحش، لكن أنا مش حاسس أن حظي وحش وحاسس أني بقيت أحسن علشان بعمل حاجة علشان حد مش مستنيه يقولي حاجة ولا ياخد باله، ده غيرني وغير سلوكي بشكل عام، فأنا سعيد بدوري كأب.

وأضاف: الطلاق بقالي سنة ونص غير فيا أكتر، ومبقتش أكره إحساس الوحدة ولكن محبش أكمل فيه، بس ممكن لما أحس أني جاهز أوي وفي حد أنا متأكد من مشاعري ناحيتها أوي هاخد الخطوة ويارب تبقى صح.